熊小館 (已結業)

餐廳好多唔同種類嘅熊仔擺設，入面環境舒適，座位寬闊。有熊仔喺隔離陪坐，好搞笑。叫咗個鐵板肉眼扒、羅勒海鮮繽紛天使麵、田螺蒜蓉小食。先來餐湯同蒜蓉包，今次係羅宋湯，入邊好多新鮮雜菜。👍🏻肉眼扒叫咗五成熟，鐵板來，香氣四溢，肉眼扒都好厚身大塊。切開肉眼扒，果然五成熟，牛味濃郁，肉汁鎖住扒入面。旁邊有好多新鮮雜菜，大大條蘆筍、粒粒粟米🌽。羅勒海鮮繽紛天使麵，天使麵上面鋪滿羅勒醬，非常喜歡醬汁味道，感覺清新。有唔同海鮮有多汁嘅青口、煎封咗嘅帶子、海蝦、魷魚等等。田螺薯蓉，都有好多粒田螺，我鍾意田螺味道，又夠香軟，同薯蓉超夾。飯後甜品時間，先來豆腐雪糕，鍾意呢隻比較硬身嘅雪糕，豆腐味道濃郁，香滑。再嚟，充滿暖嘢嘅心太軟，心太軟朱古力外層脆口，朱古力味夠濃切開係充滿熱辣辣嘅朱古力醬，非常多，讚。