G Bar

營業中

休息中

去完行街好攰諗住喺food court是但搵嘢食，呢間餐廳上次都唔見有，見到有海鮮拼盤價錢OK一於試吓。天氣實在太熱見到啤啤形狀冰塊，咁可愛未飲先打卡，見到已經覺得消暑，味道亦都好清新唔會太甜。懷舊雪糕紅豆冰估唔到係呢個高級商場都可以飲到，正！精選海鮮拼盤，有長腳蟹，青口，翡翠螺，蜆，同埋最精彩有新鮮生蠔，仲有三款醬汁配搭，增加鮮味，二百幾蚊食到咁多海鮮仲有呢個水準，絕對係性價比高。芝士白汁海鮮焗意粉，真係新鮮焗起熱辣辣，芝士拉起嘅時候仲有拉絲，好正好香，份量唔多不過好足料。聽店員介紹佢哋喺海皮位置有間雪糕店，聽到有得食雪糕，我另一個甜品胃又開始蠢蠢欲動啦，一行出商場已經見到雪糕店賣相非常吸引，仲要對住個維港靚景，忍唔住叫咗個雞蛋仔朱古力雪糕，雞蛋仔即叫即整超級香脆，配埋極度濃郁嘅朱古力雪糕，一冷一熱，超級好味，不得不提朱古力雪糕仲有朱古力粒，真係好好味呀！