熊小館 (已結業)

放暑假當然要去開心下，選擇小朋友喜歡嘅熊小館餐廳就夠哂開心，食品同套餐都好多選擇性價比高，而且仲有好多bear bear相伴。🥰坐底order左小熊套餐B及2人套餐新食法B。😍小熊套餐B係兒童餐包有肉醬意粉、腸仔、牛油粟米、熊仔啫喱，廚師煮得好細心，擺盤精緻，而且係用小熊盤及小熊餐具，小朋友食得特別開心，當然食物質素亦高啦。 小熊妹🐻推介 ！😆 小熊套餐本身包咗一杯鮮橙汁，我哋轉特飲橙汁熊熊， 成隻橙汁小熊坐喺杯入面好得意，小朋友見到最開心。🥰2人套餐新食法B就有忌廉湯及牛油法包，湯夠creamy及順滑，點法包食一流。鐵板香蒜西冷牛扒好大份，牛扒夠厚且腍，牛味十足，點上燒汁食感覺好正。香草忌廉龍利柳飯個忌廉汁超鮮甜，配上新鮮龍利柳食令人回味。😋甜品就揀左豆腐及朱古力雪糕，好甜好解暑。😋另外2杯特飲都影相好靚，分別係清涼仲夏(香草薄荷橙汁)，同埋橙色派對(芒果橙汁)。打卡啱哂！📸