牛川日本和牛專門店 (已結業)

牛川日本和牛專門店係間燒肉放題店，提供四個唔同價錢嘅套餐，任食沙律前菜、刺身、肉類、炸物等等💕晚市D餐(139品)($598 - 星期一至四)可以食到來自熊本同岩手嘅和牛，仲有貴價三重伊勢蠔刺身同飛驒牛刺身，鍾意食蠔嘅好易回到本，鮮味重🦪🦪首先會上咗和牛頭盤，有唔同部位嘅A5和牛，包括熊本和牛西冷片、牛肩胛、牛五花、牛小排、牛冧、和牛西冷片、一口和牛肋粒、和牛柳同厚牛舌🥩真係好難得有過牛食，仲要有咁多款嘅選擇，肉質非常好！海鮮方面，甲羅燒、三重伊勢蠔、白鰻魚、北海道帆立貝都係必嗌，回本之選，唔需要調味都咁好食！刺身就同一般放題店一樣，有三文魚、象拔蚌、希靈魚、帆立貝等等。而壽司方面，就叫咗花之戀、吞拿魚魚蓉軍艦同火炙左口魚壽司過吓口癮😂