影片
更多
2023-11-27
45 瀏覽
冬天殺到，就係食鍋物嘅季節喇！呢晚去咗灣仔果頭覓食，就見到呢間幾decent嘅鍋物，一人一爐烚吓嘢食，暖吓身先呢日係平日，我哋就叫咗兩個晚市套餐 湯底有幾款，我哋就揀咗一個「關東風壽喜燒」同一個「柚子胡椒湯」壽喜燒湯底會比較「經典」，味道較濃，我覺得可以更加帶出到肉嘅鮮味，但唔會搶味；而柚子湯底就會特別啲，煮落嘢食會有淡淡嘅柚子味，感覺比較fresh，點埋佢嘅柚子鹽醬汁，酸度會再明顯提升多啲。主食方面，我哋要咗一客「極上a4黑毛和牛190g」（$458）A4和牛份量好多，都有差唔多8片，而呢款牛肉味會較濃，油脂分布較平均，有飽肚感，食完比人一種「和牛就應該要係咁」嘅感覺。另一客就叫咗「a5黑毛和牛肉眼190g」（$608）一睇啲紋路就知佢有幾出色啦！呢款肉眼脂肪多，油脂感極重，真係一入口就會融化，十分綿滑，好耐無食過咁香嘅牛肉喇！而個Set仲包埋一隻「日本生蛋」，可以撈蛋汁嚟食，令啲食物味道更具層次。每個套餐都包前菜同野菜拼盤，有青瓜同山藥漬物，麻油味突出，亦有酸甜香味，好開胃A5和牛餐仲包一個凍豆腐，就咁食會較實淨，有豐富豆味，或者煮熟嚟食都一樣得！而另外亦有野菜拼盤，入面有蟹柳、冬
呢晚去咗灣仔果頭覓食，就見到呢間幾decent嘅鍋物，
一人一爐烚吓嘢食，暖吓身先
呢日係平日，我哋就叫咗兩個晚市套餐
湯底有幾款，我哋就揀咗一個「關東風壽喜燒」同一個「柚子胡椒湯」
壽喜燒湯底會比較「經典」，味道較濃，我覺得可以更加帶出到肉嘅鮮味，但唔會搶味；
而柚子湯底就會特別啲，煮落嘢食會有淡淡嘅柚子味，感覺比較fresh，
點埋佢嘅柚子鹽醬汁，酸度會再明顯提升多啲。
主食方面，我哋要咗一客「極上a4黑毛和牛190g」（$458）
A4和牛份量好多，都有差唔多8片，
而呢款牛肉味會較濃，油脂分布較平均，有飽肚感，
食完比人一種「和牛就應該要係咁」嘅感覺。
另一客就叫咗「a5黑毛和牛肉眼190g」（$608）
一睇啲紋路就知佢有幾出色啦！呢款肉眼脂肪多，油脂感極重，
真係一入口就會融化，十分綿滑，好耐無食過咁香嘅牛肉喇！
而個Set仲包埋一隻「日本生蛋」，
可以撈蛋汁嚟食，令啲食物味道更具層次。
每個套餐都包前菜同野菜拼盤，
有青瓜同山藥漬物，
麻油味突出，亦有酸甜香味，好開胃
A5和牛餐仲包一個凍豆腐，
就咁食會較實淨，有豐富豆味，
或者煮熟嚟食都一樣得！
而另外亦有野菜拼盤，
入面有蟹柳、冬菇、本菇、金菇、日本南瓜、芋絲、京蔥、娃娃菜、芹菜，
蔬菜都十分新鮮，食落夠曬飽肚
（個人最鍾意食佢嘅南瓜，綿滑得嚟有好香嘅南瓜味）
最後個set仲跟日本白米飯，我哋一個升級咗做手打烏冬（加$15）
食埋個飯撈埋啲湯，就真係十級滿足！
張貼
