京饌 (已結業)

中秋節當晚，周圍都好多人出街食晚飯，呢間店我第一次去食，我同屋企人等左一陣，好快就有位，地方算大，但冷氣不足，全餐飯都流住汗食，我地一坐低睇餐牌，有位穿便服既女人走過嚟話無晒片皮鴨，但我哋都未叫餸，覺得好奇怪🤔之後我地叫左4款餸，味道不錯，上餸都快，但覺得奇怪的是有隔離枱叫片皮鴨，但話有，之後我就知點解佢有，因為係熟客，我就無理啦！一邊食一邊見到廚房整緊片皮鴨，我同我屋企人講，廚房整緊片皮鴨？見到師傅一隻一隻咁放入大焗爐入面，我哋研究點解個女人會同我哋講無晒片皮鴨？定係留比熟客呢？有點模不著頭腦，之後我地好快食完就叫甜甜，叫左一個高力豆沙，等左20分鐘都未黎，就催下職員，轉頭職員同我地講話無落單，其實個職員係咪應該話，唔好意思，漏咗單，但對唔住都無講，之後我地就叫埋單，食左6百幾蚊，我就比左$700，應該找返10幾蚊，又等左5分鐘，無人找錢，（其實我唔係因為找錢問題，係想攞張單免費停車場）再催佢哋先找錢及攞單黎比我哋，我以後都唔會再去，我好明白中秋節每間店都好忙，但點都好要注意下對客人的態度同禮貌，其實值得一讚既係有位年紀較大瘦削的員工，他的態度非常好，我哋坐低就慢慢介紹有咩款式嘅菜，