美味廚 (已結業)

約咗朋友TST睇戲，未開場，先諗邊度醫飽個肚，忽然想記得有人話美味廚响TST開咗分店，想到個碗超級美味既排骨菜飯，唔駛講嘢，馬上go! go !go!新店位置亞士厘道，高檔的jimmy kitchen對面，由海防道可以行樓梯上去，都唔算難搵。裝修同CWB既老店差不多，乾淨企理唔花巧。同行得兩丁友，根本不用看餐牌。 套餐排骨菜飯配 酸辣湯X2：個餐保持到老店的水準，排骨即是厚切豬扒，外層香脆，內裡鬆軟，甜甜地，加埋碗帶油香的菜飯，真係食極唔厭，越食越開胃。加埋酸辣湯亦係另一樣我食極唔厭，黏稠適中，我鍾意食辣，所以自己加料醋同胡椒粉，正！亦可惜，人丁單薄，唔能夠試佢哋既新菜「水煮魚」，但望到隔離檯吃，賣相好似好好吸引。下次叫我老豆媽子請我再唻食。