大瀛喜日本料理 (已結業)

同朋友有聖誕聚餐，揀咗大瀛喜依間餐廳，雖然我就麻麻哋刺身呢啲生冷嘢，不過呢一間餐廳除咗日式刺身之外，仲會有唔同嘅熟食，所以就算唔想食生冷嘢嘅話，都可以食得好開心。佢裏面熟食選擇好多，自助區裏便會有雞煲，炸鮮奶等等。QR code點單裏便會有牛肉壽喜燒，羊腩煲，芝麻雞翼，蟹粥同埋海鮮鍋等等各式各樣嘅熟食。雖然佢係日式放題，但係佢嘅選擇多到完全唔似只係日式。而且令人出奇嘅係佢每樣嘢嘅味道都整得唔錯。當中亦都有啲幾得意嘅嘢，例如原隻蒸生蠔，隻蠔只係開左一半，所以要自己開埋另一半，令到成件事好有參與感，都玩得幾開心。