大喜屋

營業中

休息中

耐唔耐就想食下放題，趁朋友未開學前就約埋去食。其實好食不單止係刺身壽司。有好幾款熟食都唔錯。鮑魚雞粥，粥綿滑，食到雞嘅鮮味，好多雞肉鮑魚片。比目魚西京燒，嫩滑唔腥，啖啖肉好味。金蒜炭燒廣𡷊蠔，好香蒜味，濃郁醬汁，蠔肉飽滿，炭燒又十分滋味。鹽燒牛舌，牛舌唔算特別厚但都juicy，反而係帶啲嚼口同埋鎖住到肉汁，加上大量黑椒喺面，都好惹味。當然還有我最愛㗎炸榴槤，炸皮煙韌，入面就係流心餡，榴槤味好突出，而家仲掛住嗰陣濃郁嘅香味😆😂😂。炸乳鴿，帆立貝北海燒，炸鮮奶，鯖魚同牛肉鍋都好值得試。自助嗰邊都有好多食物，好多想試實在太飽，唯有等下次😂。