L.D.K. by Ufufu Café (世貿中心) (已結業)

好少黎呢個商場行街，嗰日早少少收工就黎左呢頭食啲野先剛好下午茶時段！見餐廳都唔算話好多人！呢個係朋友嗌嘅親子丼！（$58）配嘅青瓜同沙律就正正常常，沙律冇煙肉但唔知點解有陣煙肉味，唔通個沙律醬係煙肉味🤣🤣🤣滑蛋唔滑，煮得有啲老，但蛋香味濃！吉列豬扒厚切啖啖肉，味道甜甜地，唔錯！我因為黎之前食左啲野，所以真係食唔到熱食/主食，其實呢個cake set（$48）比起友人嘅丼只係平$10！cake都有唔少選擇，我就揀左朱古力竹炭有啲失望、因為個海綿蛋糕好乾，好鞋口。全靠仲有幾層mousse頂住。但真係好麻麻，希望餐廳可以改善黑咖啡，幾好嘅、濃咖啡味，酸度同苦度都岩我口味