影片
更多
2018-07-29
61 瀏覽
今日下就肥妹仔同媽媽去咗銅鑼灣行街，行到兩點幾，兩母女行到都好攰，咁啱去到蘭芳道見到呢間食越式米粉既餐廳，肥妹仔同媽媽就決定試下呢間食個late lunch!蟹膏湯檬 $118肥妹仔都幾鐘意食海鮮，用蟹膏做湯底既檬粉肥妹仔從來未試過!佢既配料有豬肉丸，豆卜，札肉，豬肋骨等等。先講個湯底，都有蟹膏既鮮味，但蕃茄味比較突出，食到有少少蟹肉碎!粒豬肉丸好大粒，好軟諗，調味比較重，豆卜同札肉大路貨色，無咩特別!豬肋骨煮到一口即散，檬粉幾有咬口!燒豬扒湯檬 $88豬扒肉質實淨，輕輕煎過，唔係好咸，ok!湯底肥妹仔飲咗一啖，送檬粉都不錯!鮮蝦紙米卷 $58好fresh既小食，包了青瓜絲，米粉，鮮蝦，本身係無調味，要靠點個類似食乳豬既甜醬去提味，感覺好有趣，at least肥妹仔係未試過咁既食法!!!煎蝦餅 $68呢個不錯，蝦肉彈牙爽口，煎到非常香脆，上枱時熱辣辣，點酸汁可以解膩，肥妹仔我食咗三塊!芒果沙冰 $35鑑於天氣真係太熱，肥妹仔諗都無諗就揀咗杯沙冰降温，飲一啖係即刻暑氣全消，爽!凍咖啡 $38肥妹仔母親行到攰有d眼瞓，所以叫咗杯咖啡提神，肥妹仔我飲咗一啖，好甜，但都幾濃咖啡味，不錯!食完就
今日下就肥妹仔同媽媽去咗銅鑼灣行街，行到兩點幾，兩母女行到都好攰，咁啱去到蘭芳道見到呢間食越式米粉既餐廳，肥妹仔同媽媽就決定試下呢間食個late lunch!
蟹膏湯檬 $118
肥妹仔都幾鐘意食海鮮，用蟹膏做湯底既檬粉肥妹仔從來未試過!佢既配料有豬肉丸，豆卜，札肉，豬肋骨等等。先講個湯底，都有蟹膏既鮮味，但蕃茄味比較突出，食到有少少蟹肉碎!粒豬肉丸好大粒，好軟諗，調味比較重，豆卜同札肉大路貨色，無咩特別!豬肋骨煮到一口即散，檬粉幾有咬口!
燒豬扒湯檬 $88
豬扒肉質實淨，輕輕煎過，唔係好咸，ok!湯底肥妹仔飲咗一啖，送檬粉都不錯!
鮮蝦紙米卷 $58
好fresh既小食，包了青瓜絲，米粉，鮮蝦，本身係無調味，要靠點個類似食乳豬既甜醬去提味，感覺好有趣，at least肥妹仔係未試過咁既食法!!!
煎蝦餅 $68
呢個不錯，蝦肉彈牙爽口，煎到非常香脆，上枱時熱辣辣，點酸汁可以解膩，肥妹仔我食咗三塊!
芒果沙冰 $35
鑑於天氣真係太熱，肥妹仔諗都無諗就揀咗杯沙冰降温，飲一啖係即刻暑氣全消，爽!
凍咖啡 $38
肥妹仔母親行到攰有d眼瞓，所以叫咗杯咖啡提神，肥妹仔我飲咗一啖，好甜，但都幾濃咖啡味，不錯!
食完就番屋企了，真係熱到傻咗呀!
張貼
