文興

營業中

休息中

呢日因事一早嚟到大埔墟街市，見未夠鐘就一個人走左去2/F熟食中心揾地方食早餐，2/F有好多食肆選擇，最後揀左呢間《文興茶水檔》。餐牌簡單清晰，普遍價格都好實惠。最後揀左沙爹牛肉麵、火腿奄列配牛油方包飲熱奶茶 ($33)。沙爹牛肉麵 - 牛肉同好多茶餐廳嘅牛肉一樣，都有“嗱”過，口感帶爽爽地，無咩牛味，麵質一般，不過沙爹十分好味，湯底味道亦很好。火腿奄列配牛油方包 - 方包表面脆脆地，火腿略鹹，但夾方包一齊食味道就十分唔錯。熱奶茶 - 茶味有層次，奶味剛好，茶同奶茶十分融和，口感順滑，好飲！