寶軒印度餐廳

營業中

休息中

印度嘢尖沙咀最多喇，唔去重慶大廈都可以黎呢度食到正宗印度餐，入口有啲難搵😅餐飯裝潢唔錯，印度餐算幾好㗎，員工好熱情（好似間間都係），食完好快手就黎收佐，有問野食ok嗎。1. 有次係其他餐飯食過番紅花羊肉炒飯好好食，試下呢間，無比較就無傷害😂呢度得海鮮嘅，炒得算正常嘅，海鮮係蝦，係個底，蝦彈牙不過冇咩特別，可能之前個間太好食喇。2.羊咖哩，呢個唔錯，啲肉亦唔會硬，味道够濃味，朋友後加佐NNAN要點啲汁食😋3.印度芝士者菠菜，啲芝士朋友話幾好，整體我覺得還好，食唔出有菠菜味，食食下唔知係咩黎😅4.呢杯乳酸好好味，味道係濃縮版益力多再多啲酸，佢有咸同甜，我點佐甜嘅，下次要試下咸嘅先。見其他枱有叫啲火焰招牌菜貌似好食，下次可試下。