金子半之助 (新都會廣場) (已結業)

日本過江龍天婦羅炸物，已經過左人氣熱潮，無左長長人龍排隊，到我出馬試一試佢，成日聽人講好好食😋點都親身試一試至真，餐廳主打天婦羅炸物，選擇相對較單一，環境乾淨裝修走日式路線，座位寬敞，感覺唔會好擠迫。Regular Tempura rice bowel 天丼配麵豉湯$98主要由菇類、蝦、魷魚餅、豆、海苔組成，炸粉唔會好厚，基本上一炸完就上枱，熱辣辣，菇類豆豆都好清甜好新鮮，成碗都鋪滿天婦羅，底係日本珍珠飯，好有咬口，由於全部都係炸物，食哂成碗都有少許油膩感。車海老軟殼蟹天丼配麵豉湯$$168由蝦，軟殼蟹、魷魚餅、豆、海苔組成，期間限定，蝦&軟殼蟹肉質都幾彈，黃金香口，不錯不錯。