不toast不快 (已結業)

鋪頭用左白及橙色做主題，個吐司logo好吸睛，鋪頭名仲玩食字添。餐牌有多款吐司選擇，另外有小食提供。除左有鹹款吐司，仲有甜食款，亦有花花造型既三文治，單睇餐牌上既相片，已經好吸引。叫左漢堡扒流心芝蛋吐司($38)。個吐司拎上手好聚手，而且即叫即整熱辣辣。賣相靚靚，成個感覺好似去左韓國食toast咁。每款吐司由芝士、蛋做basic，再視乎自己想食咩而做提升豐富度。漢堡扒煎到少少焦脆，香口惹味。鹹食選擇一流。煎蛋非常厚，而且滑身，配搭埋茄汁、蛋黃醬食，好豐富。芝士係食物熱身情況下熔熔地，同吐司永遠係最夾。仲有椰菜絲，唔膩夠fresh。厚吐司塗上牛油烘烤過後，邊邊位脆脆地，而內層鬆軟，2個人share食好滋味。整體，可以食到美味既toast，而且整得好用心，擺得靚，又用個兜仔裝住。食得小心，所以冇跌餡。