Mamaday Studio (已結業)

因為等朋友又未到約定時間，就去呢度飲杯野，點知唔小心叫多個Bagel同蛋糕食~首先講下環境，佈置上充滿玩味，就係係樓梯間都一樣充滿色彩，每個地方都會花心機裝飾一下。座就偏向文青同舒適風，所以坐底嘆茶時都好舒服。🔸洋蔥藍莓貝果落Order後需要等8-10分，店員會即時幫忙加熱。Bagel好紮實，質地偏硬身，對比食過既香港和台灣Bagel佢都算數一數二硬身(但唔排除係加熱效果)，微煙韌。藍莓帶出少少甜味，但藍莓味唔太突出，所而洋蔥cream好食，洋蔥味道非常強烈，整體我覺得係一個好食既鹹味Bagel，會想要回購。🔸Oreo白朱古力鹹蛋黃忌廉蛋糕白朱古力順滑Creamy，蛋黃部分的確係鹹蛋黃味，但唔會好強烈，所以同白朱古好夾，細細份唔太膩，外形可愛又好食🔸宇治抹茶牛奶奶味較重，甜度適中，唔記得同店員講甜度，但全糖都可以接受！茶味比較不突出，但可能我掛住玩貓，所以冰塊溶左，味道變淡。呢度有兩隻小可愛，極之唔怕人，隨時會係你身邊跑來跑去，又跳高跳低~但絕無傷害性，因為唔太怕人既關係，佢地都唔太介意俾人摸，有佢地陪伴好開心！