齊柏林熱狗店 (新港城中心大街(2期))

營業中

休息中

熱狗向來都比較少食，通常食到嘅時候都不外乎係戲院、IKEA 傢俬呢兩個地方 😝 最近朋友介紹我試呢間熱狗店，估唔到有驚喜喎，分店位置算比較偏僻，唔係商場裏面。餐牌有八款熱狗提供，價錢由 $32 蚊至 $46 蚊不等，加多 $12 蚊就可以變成套餐都幾抵食，叫咗紐約辣味熱狗。紐約辣味熱狗 ($38) : 麵包見職員會放上鐵板煎煎，食落口感有啲脆同幾軟熟，配料有洋蔥、茄汁、特製辣黃芥末、匈牙利腸，味道又酸又甜又辣，超級惹味食到個人都㷫烚烚 🤣 加咗 $12 蚊要埋薯條同飲品，薯條香脆可口，配埋個混醬食更加無得頂。