New York Fries (已結業)

28/1/2009 (星期三)今日係年初三，過年食咗好多年糕、蘿蔔糕等賀年食品，下午去海港城行街兼做gym，運動一下，行到二樓大家樂附近見到一條人龍，於是好奇走埋去八下，原來開咗一間新的快餐店 “New York Fries”， 店內座位唔多，地方都算清潔。 招牌菜係薯條，有Classic 的炸薯條，亦有加咗芝士、酸忌廉、蕃茄、洋葱、煙肉碎的炸薯條，款式都幾多，不過今日太滯，唔想再食炸嘢，所以叫咗一隻熱狗($19)試下味，熱狗本來係好普通的食物，都無唸過會有乜嘢驚喜，店員將熱狗交給我，我自己去加茄汁同芥辣，正想拎起咬一口，竟然發現熱狗的麵包痴住個紙盒，唔係呀嗎？？？呢隻狗一定已經呆在個紙盒好耐，所以才會融為一體，難捨難離，我用力扯開就變咗隻“爛”狗，即刻無晒心機。$19買隻“爛”狗當然無心機啦，不過最失望係這間食店無Heart，亦不注重細節，希望日後有改善啦。