澳門茶餐廳 (已結業)

未夠鐘食飯但又好肚餓 咁就遊蕩下尖沙咀搵野食行入呢條街發好多間唔同名但格局好似既澳門餐廳原來佢地係同一集團經營架 見到門口香噴噴既葡撻呼喚我，忍唔住買左雞批同葡撻黎食 門口旁有企位同side bench比人食野，應該岩岩出爐仲非常熱辣辣呢 雞批就冇咩特別，個批皮其實幾厚所以餡料相對較少，雞同洋蔥味都唔係好突出，勝在夠熱同牛油味香 葡撻反而好正！面頭微微焦香，蛋味香濃，甜酥皮好鬆脆一樣都係非常熱辣辣好好味可惜旁邊有人食煙影響食慾，但尖沙咀想食小食葡撻都為一個好選擇