品臻 (海庭道) (已結業)

日日中午都282930度咁上下 真係好多謝呢位朋友放假唔攤起屋企抖涼肯出行吓 不過個人真係熱到溶溶地 梗係要搵個位嘆下抖下凍喇 今日起熱熱既大角咀行入一間叫品臻既飲品店抖下凍 舒服吓 原來呢度唔只手調飲品咁簡單 原來佢仲有芋圓同埋雞蛋仔格仔餅同一啲炸物小食 可以選擇 都幾多元化 唔怪得聞到一陣好香甜既味道叫左份芋圓甜品 開頭睇到以為細細碗咁 但份量食落都幾足料喎 🤯呢度幾好 好在可以揀3款自選料同要咩底 😆要左個蔗糖同豆腐花 配九份芋圓同紅豆同埋 鮮芋頭 豆腐花算幾驚艷 唔係落糖漿都勁香 好好味 紅豆又幾靚 食落幾起沙幾綿密 芋圓食落有咬口 咬落煙煙韌韌 仲有埋黃色蕃薯同紫薯圓 鮮芋頭唔單止大大粒 食落原味都幾出仲勁綿密 雖然只係碗30蚊碗有找既甜品 但食落配搭好夠豐富 食落都咁滿足 真係幾正🥰 食甜品之外 當然唔少得香氣撲鼻既小食 😛仲叫左底朱古力雞蛋仔 上面充滿熱溶左既朱古力粒粒 食落都幾濃朱古力🍫味 雞蛋仔幾實在 唔係得個殼 外面微脆內面滿滿地食落香軟可口 都唔錯😋另外仲叫左杯蜂蜜綠茶 正常發揮 唔會過淡過糖 😌朋友叫左杯芋頭鮮奶 佢話有好多既芋泥 係幾好飲 不過比較甜