麺処一家 (已結業)

星期六七點鬆啲去到，都要排成半個鐘先至有位，大熱天時真係出晒汗。叫咗一個料理長之選，火炙腩肉同慢煮豬肩，兩款嘅肉都會有。另外叫咗個妹妹之選，只係會有慢煮肉，肉就冇咩特別，麵係幼麵，上菜時個湯好夠熱，我有少少覺得係太熱，個麵如果唔係好快食晒嘅話就會糊喇。湯底係豬骨魚介湯底，好香好濃厚，佢最好係加咗生洋蔥，好鮮甜，令湯冇咁油膩！蛋要加$10嘅，冇咩特別算係合格。整體唔驚艷，不過所有嘢都合格有餘，值得一試。值得一讚係佢個侍應，好細心，refill 水好快，亦都好有禮貌。