海皇粥店 (已結業)

早餐食碗熱辣辣嘅粥一向係我心頭好，就算依家天口興，都仲係鐘意食熱嘅粥。而海皇嘅粥久負盛名，一直都係出品有保證嘅。不過朝早唔方便來呢邊食嘢，只好退而求次來呢度食lunch喇！蘿蔔糕，有煎嘅同蒸嘅，鐘意香口嘢嘅我梗係鐘意煎嘅喇，蘿蔔味濃，蘿蔔糕嘅表皮有d焦所以都幾香口。艇仔粥，裡邊用料好多，花生魷魚油炸鬼豬皮等、粥煲得比較稠，好有粥味，滿滿一碗熱辣辣好食落去出咗dd汗，不過我鐘意！油炸鬼係我真愛吖！呢度油炸鬼又香又脆，感覺就係啱出油镬嘅，外邊酥脆，裡邊仲有D韌牙，放落粥度浸下再食真係人間美味吖！鐘意油炸鬼嘅人妳傷唔起吖！