影片
更多
2017-07-29
1346 瀏覽
由於讀大學住宿舍嘅關係成日會去到堅尼地城同西環食嘢咁今日就去咗一間喺西環海旁墨西哥小店一入到去個氣氛就好墨西哥好熱情既氛圍周圍嘅牆都係畫出嚟嘅壁畫 顏色好鮮艷 個感覺好強烈 我自己個人就好欣賞佢咁俾心機去設計呢間餐廳 去營造個氣氛因為我覺得好多時候食嘢 氣氛都好緊要正如同邊個食都好緊要之前睇過其他人講話呢間餐廳啲嘢食好大份的確係真嘅 因為我自己同朋友去食 我哋兩個都好大食啦但係今次淨係嗌左兩樣嘢同埋啤酒已經飽飽地嗌左一個小食一個主菜小食就叫左炸雞翼 除咗六隻雞翼之外 佢仲有一個酸酸地嘅醬 同埋一個沙律 佢個醬汁幾特別酸酸地之餘幾杰撻撻 令到我覺得幾矛盾但係又幾新奇通常覺得食酸嘅嘢就會覺得好清新但係其實呢個醬汁都有少少膩個醬汁可以兩用點沙律有得食雞翼又得因為佢個沙律係冇調味嘅所以我都覺得佢expect你個沙律用同一個醬炸雞翼冇乜特別驚喜但係都係好食嘅因為炸雞翼其實好難會唔好食你普通去麥當勞食脆香雞翼都好好食佢外脆裏邊就好多汁 雞肉好嫩 調味做得幾好 少少辣好惹味 同埋令我覺得佢好有墨西哥風味因為佢呢一隻辣 係由喉嚨同埋條脷度辣出嚟嘅 所以墨西哥人話辣唔係spicy 佢哋會用Hot來形容不
成日會去到堅尼地城同西環食嘢
咁今日就去咗一間喺西環海旁墨西哥小店
一入到去個氣氛就好墨西哥
好熱情既氛圍
周圍嘅牆都係畫出嚟嘅壁畫
顏色好鮮艷 個感覺好強烈
我自己個人就好欣賞佢咁俾心機去設計呢間餐廳 去營造個氣氛
因為我覺得好多時候食嘢 氣氛都好緊要
正如同邊個食都好緊要
之前睇過其他人講話呢間餐廳啲嘢食好大份
的確係真嘅
因為我自己同朋友去食 我哋兩個都好大食啦
但係今次淨係嗌左兩樣嘢同埋啤酒
已經飽飽地
嗌左一個小食一個主菜
小食就叫左炸雞翼
除咗六隻雞翼之外 佢仲有一個酸酸地嘅醬
同埋一個沙律
佢個醬汁幾特別酸酸地之餘幾杰撻撻
令到我覺得幾矛盾但係又幾新奇
通常覺得食酸嘅嘢就會覺得好清新
但係其實呢個醬汁都有少少膩
個醬汁可以兩用
點沙律有得食雞翼又得
因為佢個沙律係冇調味嘅
所以我都覺得佢expect你個沙律用同一個醬
炸雞翼冇乜特別驚喜
但係都係好食嘅
因為炸雞翼其實好難會唔好食
你普通去麥當勞食脆香雞翼都好好食
佢外脆裏邊就好多汁 雞肉好嫩
調味做得幾好 少少辣好惹味
同埋令我覺得佢好有墨西哥風味
因為佢呢一隻辣 係由喉嚨同埋條脷度辣出嚟嘅 所以墨西哥人話辣唔係spicy 佢哋會用Hot來形容
不過佢有少少唔係太熟啲
肉有啲紅紅地 不過不失啦
至於個taco 我哋就叫咗雞肉
我自己就覺得幾好食嘅
不過同行嘅朋友就覺得一般版
佢覺得太多汁唔夠乾身
首先佢個taco皮呢就冇煎香嘅
所以一攞起手係好淋 食得有狼狽
佢個味好豐富因為用咗好多唔同配料
同埋用既都好新鮮
就算佢呢個卷唔合我朋友口味
佢食完都覺得啲料係好食嘅
啲雞肉處理得好好
佢切左做合適嘅size 同埋調味都好適當
最緊要係幾大分
食完嗰卷 佢個底都仲有一啲墨西哥飯同埋墨西哥咖喱
仲有一啲已經煮到幾淋嘅黑豆
食完即刻飽晒
我自己都算滿意嘅
不過同行嘅朋友就唔係好鍾意墨西哥菜
我同朋友就叫咗Asahi啤酒飲
不過見到隔離嗌左嗰啲幾有特色嘅mocktail
我就會建議大家都係試吓啲特色野
始終佢間鋪頭都叫Tequila呀嘛
應該係對酒有啲認識嘅
同埋我見佢個賣相都的確幾靚
係沙冰嚟嘅鍾意飲凍野嘅人更加要試
墨西哥風味
自己鍾唔鍾意的確係見仁見智
不過如果想試吓都算正宗嘅墨西哥菜 可以嚟呢度一試
最緊要食得飽 又唔會太貴
同埋個氣氛夠好呀嘛
( *｀ω´)
張貼
