一薯 (已結業)

睇fb見到呢間小店既薯條好吸引,呢日經開旺角當然要試試!薯條分左日本長薯條同比利時薯條,各可配唔同醬汁~貪新鮮既我梗係揀長薯條啦!配左個叫綠魔醬既醬汁~其實係wasabi加沙律醬~落完order都唔係等左好耐,一拎上手感覺份量十足!條條都手臂咁長又夠多!真係要同人share先食得哂!熱辣辣好鬼正~口感方面同平時食既薯條有d唔同,就好似卡樂b野菜條外面果層脆既質地,但入面就係粉粉既薯仔質感~~我喜歡喔~~~醬汁方面店主毫不吝嗇,我本人略嫌太多醬添,如果可以唧係一邊自己隨喜好點就好喇!個綠色係咪要配合綠魔醬個名所以綠得有點詭異?不過個醬既wasabi味係冇得輸既~~所以總括黎講都好滿意啦