白鬍子炸魚薯條 (已結業)

一直久仰大名，今次係正中環碼頭附近，一於一試！炸魚薯條都有分好多種，例如鱈魚，或者其他唔同既口味。夜晚去人不算多，客人大多是外國人🤣今次嗌左signature fish & chips，要左鹽調味。 大概要等八分鐘。到手嗰時職員會問你要咩醬，我就揀左他他醬，襯返魚柳包咁呀嘛🤣攞上手真係熱辣辣，炸魚都幾大份，薯條份量都不少。薯條同炸魚食落硬係覺得有陣啤酒味，其實炸魚薯條配啤酒認真一流。下次會想試埋其他小食，配返杯啤酒，人生只需如此，正！