榮記茶餐室

營業中

休息中

行完山落到慈雲山，梗係去試吓慈雲山最出名嘅煲仔麵。估唔到今日初六佢係有開門㗎，仲好多人囉要等位嘅，不過都唔駛等好耐，亦都覺得入面嘅職員同埋老闆都好有禮貌見到有空枱都會問我哋會唔會想入嚟分枱坐住先。呢間餐廳啲職員真係服務好好，每次都唔該前唔該後，同其他茶餐廳係唔一樣嘅，好有親切咁。因為煲仔飯要晏晝5:30先有，所以我哋三個人都係叫咗佢嘅招牌，沙嗲煲仔麵配牛肉，另外加錢飲可樂。值得一提嘅係，職員會主動問你要唔要檸底，因為檸底係唔使另外加錢嘅，完來叫汽水就包埋嘅。煲仔麵一共係$69 ，另外加汽水係$9 ，呢一餐每個人食咗$78。個皇牌煲仔麵真係好好味，沙嗲味好濃味，有勁多花生粒粒，另外牛肉片都有好多，同一時間個面嘅質地係啱啱好嘅唔太淋。超級推介一定要食，同埋要配汽水加檸底。