euro go go

營業中

休息中

熱到頭痛的下午，走入朗豪坊行街及涼冷氣，可能係人太多的關係，商場冷氣都頂唔順，行行下要走入Euro Go Go食下午茶。由於之後要血拼牛大人，所以只係叫左個班戟配雪糕，降降溫，連雞翼都冇食到。雪糕一放低已經浴溶地，只可以盡快解決，可能真係太熱，雪糕大啖食都冇食到麻痺個種快感。班戟就應該係整定，冇個種外熱內凍的感覺，但30蚊就唔好咁多要求。最後仲飲左杯荔枝茶。小弟記得細個時有龍眼茶，個收銀姐姐話冇龍眼茶，得荔枝茶。究竟係我年紀大記錯，定換左menu呢？總括黎講，Euro Go Go算係朗豪坊平食首選，環境亦唔錯。但記得帶現金，因為餐廳只接受現金及轉數快，以現今黎講，算唔太方便。