小草十八怪石鍋米線 (已結業)

近排天氣又涼左，lunch time好想食啲熱辣辣嘅嘢，之前食過呢間嘅石鍋飯覺得唔錯，今日決定再度光顧。餐牌已經作出轉變，加入了一些新鮮食材，向來喜歡海鮮嘅我，見到有奄仔蟹食，頓時心心眼。餐牌主要分為幾類: 米線/蒸飯/串燒/飲品及小食。石鍋生滾胡椒豬肚奄仔蟹米線$98 材料好豐富包括: 奄仔蟹/豬肚/支竹/芫茜/腐皮/金菇，主角當然係隻奄仔蟹啦，蟹肉一梳梳，飽滿肥美非常鮮味。胡椒豬肚湯底加咗蟹烹調，所以味道特別鮮甜，湯底惹味，食完成個人頓時暖笠笠。肉骨茶雜錦石鍋米線$62 材料包括: 豬肚，肥牛，支竹，冬菇，豬紅，腐皮。這個米線嘅靈魂在於湯底，肉骨茶藥膳味適中，不會過苦，熱辣辣嘅湯底可以當湯飲，用石鍋盛載，食到尾個湯底依然出緊煙，石鍋保溫效果非常好。酥炸檸檬豬扒$25 食嘅時候先將檸檬汁唧落去 ，可以保留炸豬扒外層嘅酥脆感，脆粉好薄，唔會食到成口粉，有肉汁。紅油青瓜$18 酸辣度適中，作為前菜是非常開胃，口感很脆，青瓜很新鮮。蒜蓉燒扇貝$35/隻 調味非常出色，很有川式風味，扇貝肉厚肥美鮮嫩，同蒜蓉好夾。座位都幾舒適㗎，木系為主，有一些花卉擺設，環境舒服，絕對是用餐的好地方。