海南少爺 (已結業)

禮拜日中午12點黎到，唔使排隊直接入得~Scan QR code 落單。店員首先奉上熱茶，茶壺好靚。海鮮喇沙，湯底香濃，有蝦、魷魚圈、豆卜、魚片、半邊蛋，無論賣相定味道都滿意。雞+豬串燒拼盤，配上沙爹汁。沙爹汁入面有粒粒花生，增添口感，非常香口。雞肉&豬肉燒得啱啱好，唔會太亁身。蔥油酥餅配咖喱汁。上臺時，酥餅熱辣辣仲冒緊煙！撕開嘅時候仲燙手外皮少少脆，同咖喱汁好夾，但咖喱味道略嫌淡，比較稀，酥餅比較油膩。椰汁紅豆冰，無得叫少冰，黎到上面頗多碎冰，好彩椰汁夠濃厚，無乜被冰溝淡。遺憾紅豆比較少。整體上環境舒服，食物髙質，會再黎~