Pepper Lunch (馬鞍山廣場)

營業中

休息中

今日晚餐選擇咗 Pepper Lunch，都應該有大半年無食，所以都好奇睇下有無咩驚喜。Pepper Lunch 不經不覺已經進駐香港多年，食肆要係香港生存一啲都唔易，不過眼見 Pepper Lunch 係香港愈開愈多分店，相信食物質素要有返一定水準同口碑先可以。餐牌選擇比以往多咗好多，有 35 款鐵板餐比你選擇，最後揀左 7 號特選三拼另加 $15 配汽水同焦糖雪糕。特選三拼 ($79) : 鐵板上枱時熱辣辣，唔似有啲餐廳既鐵板上枱時只係暖既，而且未食就已經香氣撲鼻，有牛肉、雞扒、漢堡扒、粟米同西蘭花，牛肉份量頗多，漢堡扒味道亦不錯，唯獨係雞扒外皮如果稍微煎得脆口一點口感會更好，不過整體黎講都十分滿意。