十二味不只是烤魚 (已結業)

有人鍾意冬天食雪糕，亦都有人鍾意夏天打邊爐。今日黎到天后嘅呢一間「十二味不只是烤魚」，就係要食辣烤魚！是日同行嘅朋友又係好鍾意食辣嘅，所以佢哋專門去搵辣野試。話明烤魚，為咗食得開心啲，我哋叫咗江團魚(少骨)！而味道呢就揀咗招牌香辣味，為咗服侍我呢啲唔食得辣嘅人，叫咗小辣。等待烤魚期間，其他小菜陸續送到。分別有巴蜀烤茄子，個人覺得價錢好抵，原條開邊加左少少蒜頭辣椒仔，小小辣好開胃。而醋溜青瓜就份量多，充滿蒜蓉嘅微辣，爽脆清清涼拌；其次大盆花菜，即係椰菜花，微辣中有味極嘅香味，適合我呢種唔食得辣嘅朋友！至於新疆大盤雞，對我來講實在有啲辣，所以試得唔太真，但朋友就讚不絕口。基本上開始食咗啲小盤後，重頭戲先至到。辣烤魚，因為叫咗小辣，所以都可以食到。魚嘅肉質真心一啲都唔老，而且無我想象中咁辣，好夾個湯味。至於一啲肉類、土豆、響鈴等等食物都有叫。個湯後期愈來愈濃，開始有啲辣，叫咗啲飲品，慢慢就覺得飽了。飽就坐下傾下計都唔錯，環境舒服。每人大概二百蚊左右，有加一，喜歡食辣可以同朋友一齊去食。丫，溫馨提示，店內有差電器免費租借，咁就唔怕坐得耐時電話無電啦！