肯德基家鄉雞 (KFC) (已結業)

上次食左冷門啲嘅熱香餅中哂伏啦，今次食返好多人都鍾意食嘅香蜜鬆餅，果然皇牌即係皇牌，食熱門嘅食品係唔會有錯架。呢個熱門嘅香蜜鬆餅，外脆內軟，外面鬆脆充滿蜜糖味，內裏軟熟熱辣辣。香腸亦都好好味，同樣有外脆內軟嘅感覺，平時食某啲腸仔，塊皮我係咬唔入架，我估唔到今次唔洗食片皮腸。我選擇左奶茶少奶，但茶葉味很淡，美中不足。今次呢份早餐好滿意，可能因為好好味，感覺唔係好夠食，希望食多一份。另外，餐廳設計唔同左，店中間改左個位為汽水自己酙，餐具配料自己拎。