松坂日本料理 (已結業)

喺尖沙咀完咗開會之後，我哋一群同事就去搵午餐食竟然俾我哋喺尖沙咀搵到一間可以容納我哋咁多人，就試吓啦佢有午市特價套餐，侍應哥哥話晚餐都係一樣，不過價錢就係一倍，所以佢話好抵食喎🤣我就嗌左雞扒烏冬，呢個餐有湯有沙律同埋三件壽司，仲有雪糕烏冬夠熱，雞扒我就略嫌佢細件咗少少但係佢個味道都係Okay嘅蟹子沙律同個湯基本野不過我個三件壽司就好似普普通通，似係迴轉壽司啲質素不過我見其他同事個餐都唔錯尤其是天婦羅，我有食過一件炸得唔錯天婦羅塊皮夠薄👍🏻另外佢個甜品係雪糕而唔係雪糕糯米糍有啲驚喜👍🏻不過想講侍應服務好好👍🏻👍🏻唔知關唔關我哋一大棚人事呢😆😆