阿肥火鍋 (已結業)

老友係英國返嚟第一時間就搵我打邊爐，我就負責約齊班朋友一齊烚下烚下。今次我搵嘅呢間餐廳裝修就真係好有舊時代嘅香港特色，打邊爐我地唔止講啲嘢食，都好 講feel架！呢度氛圍真係唔錯，好似身處一啲拍攝場景或者博物館的感覺。呢間餐廳有好多養生湯底，最啱就係我地呢啲老餅，我地就揀咗燉杏汁冬蜜菜乾白肺湯，功效清熱止咳又潤肺。配料就唔一一細講啦，特別嘢就有幾樣嘅，骨膠原牛蹄筋：無見過打邊爐有得叫呢樣嘢，我自己就好鐘意食嘅，覺得軟淋得嚟又彈牙。加拿大象拔蚌：好鮮甜，唔洗點任何醬汁，原汁原味就已經夠鮮美。蒙古羊肉片：羊味十足。