影片
更多
2019-11-07
1683 瀏覽
「一陣間去邊到，飲多兩杯就知道」，酒精永遠都係人類既最好既朋友，開心又會想掂下佢，唔開心又會想見下佢。無論去到邊個地方，佢都會存在係你身邊。今晚就黎到中環SOHO區既「何蘭正」，一睇個名就知玩味極濃，善用廣東粗口諧音配合中西合壁元素既手工啤酒、新派菜式將懷舊香港文化脫胎換骨。店鋪裡面既傳統木傢俬、吊扇、黃色既通花鐵閘都有齊哂舊有味道。再加埋本土既霓虹燈招牌，大大隻寫住「鬼佬涼茶」，的確有別一番特色！👇📌Salmon Tartare - $148▪ Salmon Roe▪ Tobiko▪ Crispy Wonton Chips▫ 雙籽齊發既「雙籽三杯風味三文魚他他」，其實主要係由三文魚米同埋飛魚米合拼，魚籽粒粒分明，咬落爽口彈牙。放上雲吞皮夾埋一齊食，口感大大提高，咸香爽脆，層次豐富。用黎做開胃菜，絕對係精明之選。📌Roasted French Red Label Pork Belly "Char Siu"- $178▪ Black Sauce ▪ Compress Watermelon ▪ Mint▫ 估唔到酒吧餐廳一樣用料講究，絕對唔係hea交功課。今次主菜就試左呢個「法國走地豬五花
開心又會想掂下佢，唔開心又會想見下佢。無論去到邊個地方，佢都會存在係你身邊。
今晚就黎到中環SOHO區既「何蘭正」，一睇個名就知玩味極濃，善用廣東粗口諧音配合
中西合壁元素既手工啤酒、新派菜式將懷舊香港文化脫胎換骨。
店鋪裡面既傳統木傢俬、吊扇、黃色既通花鐵閘都有齊哂舊有味道。
再加埋本土既霓虹燈招牌，大大隻寫住「鬼佬涼茶」，的確有別一番特色！👇
📌Salmon Tartare - $148
▪ Salmon Roe
▪ Tobiko
▪ Crispy Wonton Chips
▫ 雙籽齊發既「雙籽三杯風味三文魚他他」，其實主要係由三文魚米同埋飛魚米合拼，
魚籽粒粒分明，咬落爽口彈牙。放上雲吞皮夾埋一齊食，口感大大提高，
咸香爽脆，層次豐富。用黎做開胃菜，絕對係精明之選。
📌Roasted French Red Label Pork Belly "Char Siu"- $178
▪ Black Sauce
▪ Compress Watermelon
▪ Mint
▫ 估唔到酒吧餐廳一樣用料講究，絕對唔係hea交功課。今次主菜就試左呢個「法國走地豬五花肉半肥瘦黑叉燒」，
呢種豬肉整出黎叉燒同我平時食開既港式叉燒更加軟腍，但依舊食到叉燒既蜜汁香味。表面亦做到焦香，
裡面仲keep住嫩滑多汁。中間仲有個中西fushion既用真空壓縮出黎既薄荷西瓜，睇落好似年糕，
其實咬落啖啖清新口感，認真唔錯。
📌Koshihikari Rice - $192
▪ Roasted Japanese Non Hormone
Chicken Neck Meat
▪ Foie Gras
▪ Saikyo Yaki
▪ Spa Egg
▪ Xo Sauce
▫ 第二味新派主菜就係「燒XO醬無激素日本雞頸肉」，一打開煲蓋就聞到好香濃既鴨肝香味，
原來係用左廖孖記腐乳燒出黎，鴨肝質感好嫩滑好夠油香，唔錯。
雞頸肉食落反而有d似雞柳，幾有咬口。配埋三重縣既越光米飯，飯粒入口有彈性，
再加隻溫泉蛋撈埋一齊食，可以話係雙重滋味呀。
📌Churros - $98
▪ Hazelmut Chocolate Sauce
▪ Lemon Honey Mascarpone Sauce
▫ 點可能唔試下佢地既招牌甜品「西班牙油炸鬼」，炸得金黃香脆，完全無果種油溢味。
輕輕點上檸蜜意大利芝士醬或者配搭榛子朱古力醬就夠哂味道。
旁邊仲有個好似雪糕既忌廉球，我就鍾意將Churros沾上雪糕一齊食，一凍一熱呢個組合幾過癮呀。
📌Black Cow - $118
▪ Nata de Coco
▪ Jack Danel’s Whiskey
▪ Coke
▪ Haagen-Dazc Chocolate Ice Cream
▫ 紅牛就聽得多啦，「黑牛」你又試過未？其實係由椰果配合可樂再溝埋男人最愛既威士忌，
形成一種苦中帶甜既男人浪漫，再加埋一球雪糕層次變得更加豐富。
📌Sweetened Red Bean - $118
▪ Rum
▪ Marasquin
▪ Cream
▪ Milk
▫ 將港式紅豆冰融入馬拉斯加櫻桃酒、冧酒變成一杯「醉人紅豆冰」，
甜得黎又有少少酒香味，幾有氣氛。
張貼
