影片
更多
2024-01-20
616 瀏覽
一入餐廳，第一感覺就係「點解燈光咁昏暗嘅？」睇餐牌都睇唔清楚，朋友都開手電筒嚟睇，跟住四圍一望，原來個個都係咁樣睇餐牌，嗰一刻我真失笑，點解餐廳要我哋連睇餐牌咁辛苦呢？明明都好多盞燈，教到咁暗可以令電費平好多咩？叫左兩個晚餐，前菜叫左湯同炸牛油果條，個大蒜薯蓉湯OK，炸牛油果條口感好得意，冇諗過牛油果可以攞嚟炸，內軟外脆，可以一試。主菜叫左肉眼同豬架，都唔錯，相中係豬架，好多開心果碎喺面，令每一啖嘅口感變成豐富，雖然肉厚但都鬆軟，完全唔韌，伴碟嘅蕃薯都夠甜；牛扒應該未到我哋要求嘅七成，因為中間仲紅紅哋，不過味道都唔錯。另外叫左個松葉蟹膏+海膽+帶子意大利飯，估唔到得一粒帶子，三百幾差不多四百蚊喎我哋都驚訝點解餐廳咁孤寒，四個人share一粒帶子都幾寒酸所以有兩個朋友索性唔食抗議。由於粒光太暗，我哋都冇乜心情俾手機食先，唯一俾手機「食」左豬架。朋友叫左杯red wine，我叫左杯茶La vie en rose，其實就係茶包，都冇驚喜，或者下次，如果有下次可能會試下啲cocktails卦。整體食物質素唔錯，但奈何燈光太昏暗，令人感覺唔係幾好，如果有live show嗰幾晚會唔會光啲呢？
叫左兩個晚餐，前菜叫左湯同炸牛油果條，個大蒜薯蓉湯OK，炸牛油果條口感好得意，冇諗過牛油果可以攞嚟炸，內軟外脆，可以一試。
主菜叫左肉眼同豬架，都唔錯，相中係豬架，好多開心果碎喺面，令每一啖嘅口感變成豐富，雖然肉厚但都鬆軟，完全唔韌，伴碟嘅蕃薯都夠甜；牛扒應該未到我哋要求嘅七成，因為中間仲紅紅哋，不過味道都唔錯。
另外叫左個松葉蟹膏+海膽+帶子意大利飯，估唔到得一粒帶子，三百幾差不多四百蚊喎我哋都驚訝點解餐廳咁孤寒，四個人share一粒帶子都幾寒酸所以有兩個朋友索性唔食抗議。
由於粒光太暗，我哋都冇乜心情俾手機食先，唯一俾手機「食」左豬架。
朋友叫左杯red wine，我叫左杯茶La vie en rose，其實就係茶包，都冇驚喜，或者下次，如果有下次可能會試下啲cocktails卦。
整體食物質素唔錯，但奈何燈光太昏暗，令人感覺唔係幾好，如果有live show嗰幾晚會唔會光啲呢？
張貼
