燈籠滷味 (德福廣場1期)

營業中

休息中

最近見九龍灣德福開咗燈籠滷味，即刻約埋friend趁weekend刷一餐勁！之前食過朗豪坊分店的確有驚喜，今次一定要再食一次，睇下保唔保持到水準。一人成團-「牛滋味」(⭐️⭐️⭐️⭐️⭐️)餐廳11月推緊$89起嘅一人餐，非常抵食，我地就叫咗兩份「牛滋味」食飽飽啦！「牛滋味」當然唔少得有牛腩、牛肚、蘿蔔、豆腐等等嘅滷味，滷水汁好鮮甜，又醃得入味，牛腩相當軟熟，肥瘦適中，牛肚都好彈牙，冇腥臭味，最緊要份量夠多，大大件有4-5舊，包你食得滿足！麵底嘅種類有好多，我地加錢轉薯粉同烏龍麵，薯粉彈牙但唔會咬唔斷，而烏龍麵口感似烏冬，索埋湯汁食到唔停口！手工餃子 (⭐️⭐️⭐️⭐️💢)餃子皮比較厚，確保肉質唔會流出黎，肉餡嫩滑多汁，非常有口感！黃金甜不辣配起司麻薯 (⭐️⭐️⭐️⭐️⭐️)作為小食真係冇得輸，甜不辣煙煙靭靭好有咬口，面層脆卜卜灑上辣椒粉好惹味。麻薯一樣有驚喜，大大顆外脆內流心，麻薯好煙靭，芝士好濃郁，邪惡得黎好滿足！阿里山黃金夕陽果茶 (⭐️⭐️⭐️⭐️⭐️)非常清新清甜嘅一杯果茶，茶味較淡但果味濃郁，用咗好多柑橘類生果，例如有青檸同橙，中和番滷味嘅熱氣。蜂蜜荔枝紅茶 (⭐️⭐️⭐️⭐️⭐️)潤喉解膩嘅一杯飲品，蜂蜜份量適中，唔