金裝燉奶佬餐廳 (已結業)

今日下午我們去咗灣仔活道嘅「金裝燉奶佬餐廳」食下午茶！我們叫咗照燒鰻魚海鮮讚岐烏冬、炸鷄脾配薯角同炸鷄脾配咖吔西多士加配粟米火腿扭扭粉！照燒鰻魚海鮮讚岐烏冬嘅鰻魚都幾大塊，肉質好嫩滑同厚身，帆立貝好爽甜彈牙，蝦肉亦幾爽口彈牙，而烏冬就比較諗身咗啲，唔係好彈牙！炸鷄脾配薯角同炸鷄脾配咖吔西多士嘅炸鷄脾炸好香脆，肉質好嫩滑！薯角炸得都算乾身，唔會好油淋淋！咖吔西多士炸得金黃香脆鬆軟，味道好香甜！另外加配嘅粟米火腿扭扭粉嘅扭扭粉亦係比較腍身，唔係好彈牙，而火腿嘅份量都算多！