金裝燉奶佬餐廳 (已結業)

呢日係灣仔附近工作, 下午茶時間行下行下見到門口餐牌幾吸引就入左呢間燉奶佬喇~我叫左個粟米班腩飯, 眼見人地叫個D野望落都唔錯, 心諗呢個飯都唔會差得去邊既!!(何況係燉奶佬)結果, 黎到睇落都唔差既, 食落去個芡汁係杰撻撻的, 有D膠膠地既感覺吧....班腩雪味重, 都幾難接受。至於熱檸茶都係麻麻地喇, 同出面既茶記都有一D既距離...呢個時候我有D明白點解咁大間舖頭入面竟然唔係好多人食野囉。總結: 真係估唔到粟米班腩飯係可以咁難食既....真心有D後悔點解自己唔叫再穩陣D既豬扒飯呢!?