甜水 (已結業)

🔸Tim4seoi2，啫係甜水，係旺角新開嘅中式糖水舖，聽講唔少好評所以就去咗一試😛兩大招牌桃膠類同燉奶類水準都幾高，值得一戰👍🏻🔸桃膠椰汁雪燕（凍） $38 - 雪燕桃膠口感好豐富， 雪燕做到入口即溶感，調味唔會太甜，感覺上叫熱食會仲正👍🏻桃膠同雪燕都係有平民燕窩之稱嘅OL新寵食材，夠晒滋潤😍🔸芝麻糊燉奶（凍） $32 - 佢呢度嘅燉奶特別在入面可以內包其他糖水🤤今次就試咗內包芝麻糊。燉奶整得夠晒嫩滑，奶香十足，同芝麻糊好夾同時都唔會過甜，絕對推介🤓