燉 (福至工業大廈) (已結業)

食物味道: 好多KOL推介過呢間店子，我好想幫襯好耐，今日專誠搭車去試，確實無令我失望，如呢間店嘅承諾: 真材實料，味道賣相都十分好，似屋企煮一樣，足料好味。食物份量: 蒸飯份量稍嫌較少，不過只收$30 ，我覺得呢個份量和價錢都合理，至於燉湯嘅份量足夠👍🏻價錢: 收費合理，物有所值👍🏻環境: 呢間店新開冇幾耐，地方企理，裝修簡單又舒服，燈光柔和，星期日下午人流唔算多，寧靜悠閒。服務: 服務一流，收銀以至店員都超好禮貌，值得一讚👍🏻，因為我為食叫多個茶餐加杯奶茶，廚師竟然出嚟問我杯奶茶味道如何？我話加多些少奶更佳，佢解釋話因為有啲客人唔鍾意太多奶，所以特意加少啲奶，廚師隨即另外比一啲奶我，感覺窩心，超讚👍🏻回頭指數(10分滿分): 食物，服務和價錢都相當滿意，「燉」仲有好多食品我都有興趣試，所以我比10分。