蛇王二 (已結業)

原來蛇王二唔係只食蛇，原來我經常錯過了好東西。燒味同臘味選擇都好多，樣樣都好想試仲有多款選擇既燉湯，價幾合理，亦都可跟餐叫。叉燒油雞飯, 叉燒肥瘦適中又入味，雞亦都好滑，好味!油鴨肶臘腸飯，油鴨肶咸香，唔會死咸，肉質都好嫩唔會乾蒸蒸。臘腸都好食，肥瘦適中，脆身香口。准燉竹絲雞湯，真材實料，而且十分清甜又唔會太油。天麻燉魚頭，因為天麻同川芎都有好濃烈藥材味，所以未必個個會鐘意。但因為我成日頭暈，飲哩個湯有助去頭風，我以後可以係度買黎飲啦。其實我地仲有食蛇羮，但因為我唔太好蛇所以唔識欣賞咁就唔評論啦。