大良鴻輝記

營業中

休息中

荃灣鴻輝記好出名，其實我都唔知點解，應該係個頭都多餐廳，食完晚飯想食甜品糖水但冇其他選擇就焗住要食呢間。你話佢唔好食呢又唔係，好食到要等位又真係唔值得。今晚同朋友去路德圍食完嘢，想傾多陣唯一嘅選擇就嚟咗呢度，朋友叫咗紫米露，我就想食碗薑汁燉鮮奶，我搵薑汁燉鮮奶基本上冇乜奶香，唔知係咪奶成份少，蛋白太多，當然知道會健康啲，但嚟得食甜品都係想滿足一下，呢碗燉鮮奶真係平淡無奇，都幾失望下。以前都食過呢度嘅芝麻糊合桃糊，可以稱為合格，不過不失。