常嚐食•深燒堂 (已結業)

今日放工約左閨密諗住搵間串燒食吓，過一過鋪麻辣癮！呢間串燒店好多食物選擇，每一串價錢都相宜，仲可自己選擇辣度！我地就全部都揀左小辣！🔥燒韮菜燒韭菜喺串燒店必食，識落有汁索索聲，加埋辣粉一流！🔥風琴豆卜 & 安格斯一口牛風琴豆卜燒到脆卜卜，本身以為會好乾，但係食落一啲都唔乾！安格斯一口牛燒得啱啱好，食落啲肉好嫰滑，又重牛味！🔥台灣腸 & 煙肉蕃茄串 & 雞軟骨台灣腸係有原味同黑椒味揀嘅，我哋揀咗原味，燒到個皮脆卜卜！煙肉蕃茄串係一定要試吓，煙肉燒到好香口加埋蕃茄嘅Juice，一啖一口喺個口入邊爆開，好正！雞軟骨燒到好脆，好香口！🔥燒完條茄子呢個好多人都嗌，茄子肉夠Juicy，加埋蒜蓉香蔥等配料一齊食，雖然重口味，但好好食，令人食完一啖再一啖！🔥脆皮雞中翼燒雞翼正常操作，皮脆肉嫩！🔥韓燒五花肉醬燒五花肉好好味👍🏻份量亦都好多，配埋生菜俾你一齊食冇咁溜！