影片
更多
2023-03-10
383 瀏覽
屋企附近開咗間燒肉店-燒肉男🍖，仲要出左個4點前有買一送一既優惠，佢只限2個套餐有得跟個優惠，一個（set D)係有跟個刺身同令牛肉，另一個(set C)就無，咁我哋就緊係平平地叫個c餐先啦😎😎。限時100分鐘入面要做既野有好多:1)出去行一轉睇野飲甜品2)用手機落單係咁叫肉3)起勢燒肉作為食肉員一坐埋位就2同3不斷交換轉，燒到埋尾先夠膽出去攞雪糕新地食，係食到啱啱好最後一秒行出店舖🤤🤤。佢有好多唔同種類嘅牛嘅部位，例如喺澳洲和牛，一口牛🥩，牛舌，牛肩，牛肋骨。豬肉🐖就有豬腩肉五花肉豬肋骨等等，海鮮就有大蝦🦐生蠔清酒煮蜆鯖魚多春魚，種類繁多，多不勝數，唔夠飽，仲可以叫碗飯🍚食個冷麵都得。其實整體嗰個味道都唔差，樣樣嘢都好新鮮。甜品就有蛋撻窩夫雪糕Movenpick啫喱慕絲蛋糕生果杯🥴🤭。不過講真100分鐘都唔係好夠食，其實小編仲可以慢慢繼續食🫣🫣，佢正價時段其實係120分鐘，但係俾貴咁多，我又覺得唔係好抵喎。買一送一嘅優惠，最好就係總共人數係雙數，咁樣抵啲，如果多咗一個就要食正價俾錢。地點:餐廳位於將軍澳中心一樓，以前係泰國菜嘅舖頭，隔離有天橋去調景嶺圖書館，仲可以行返轉頭去Popco
1)出去行一轉睇野飲甜品
2)用手機落單係咁叫肉
3)起勢燒肉
作為食肉員一坐埋位就2同3不斷交換轉，燒到埋尾先夠膽出去攞雪糕新地食，係食到啱啱好最後一秒行出店舖🤤🤤。
佢有好多唔同種類嘅牛嘅部位，例如喺澳洲和牛，一口牛🥩，牛舌，牛肩，牛肋骨。豬肉🐖就有豬腩肉五花肉豬肋骨等等，海鮮就有大蝦🦐生蠔清酒煮蜆鯖魚多春魚，種類繁多，多不勝數，唔夠飽，仲可以叫碗飯🍚食個冷麵都得。其實整體嗰個味道都唔差，樣樣嘢都好新鮮。甜品就有蛋撻窩夫雪糕Movenpick啫喱慕絲蛋糕生果杯🥴🤭。
不過講真100分鐘都唔係好夠食，其實小編仲可以慢慢繼續食🫣🫣，佢正價時段其實係120分鐘，但係俾貴咁多，我又覺得唔係好抵喎。買一送一嘅優惠，最好就係總共人數係雙數，咁樣抵啲，如果多咗一個就要食正價俾錢。
地點:
餐廳位於將軍澳中心一樓，以前係泰國菜嘅舖頭，隔離有天橋去調景嶺圖書館，仲可以行返轉頭去Popcorn商場行街😏。
環境:
座位寬闊，傢俬新淨，空氣流通唔會太侷促，開陽嘅環境睇到入邊。
價錢:
如果兩個人買一送一優惠，大概$280一個人，第三個人就要食正價$500啦。但係以買一送一嚟講，質素係幾好嘅，性價比幾好，建議大家趁住仲有優惠快啲嚟試吓啦🤩。
服務:
用手機落單，店員都好快送到過嚟，可以要求換鐵絲網，要求清酒啤酒，食咗過咗少少龍，都唔會即刻趕我哋走🥸🥸😎🤩。
張貼
