616燒肉酒場 (已結業)

難得早放，今次就黎到呢間係屋企附近的燒肉店，係食日式燒肉的，所以餐廳都用上日本餐廳的裝潢，猶如置身日本。同朋友揀了雪·二人特盛套餐，套餐的份量都剛剛好，有牛肉拼盤、前菜、茶碗蒸等。蕃茄沙律配芥末沙律汁好開胃，份量都幾多，拌入沙律醋，而且蕃茄好鮮甜，酸酸味味。野菌蟹肉茶碗蒸，這裡的茶碗蒸口感嫩滑鮮甜，有大量蟹肉絲，份量十足。燒肉拼盤有澳洲同日本和牛，日本和牛係黑毛和牛，係牛小排的部分。而澳洲和牛分別有肉眼上蓋、牛腹肉、牛肩芯同橫膈膜。日本黑毛和牛入口即溶，油花分佈平均，非常美味。而澳洲和牛味道都不錯，當中個人比較喜歡牛腹肉，味道較濃，較為juicy。另外仲配有大大舊白鱔，個人都幾中意燒白鱔，口感較爽身。另外仲有三色椒、雞脾菇等蔬菜。溫泉玉子丼，非常大碗，有大量紫菜和流心蛋黃，拌勻食味道咸香之餘，飯既口感更溫，唔小心就會食哂食碗飯。麒麟沙冰啤酒面頭有好似軟雪糕外型的啤酒沙冰，冰凍十足。