火山燒 (已結業)

我最中意食既就係自己燒既野食，呢度岩曬我啦，因為佢係一個任食放題嚟嘅，嘢食都好多選擇，位置空間都唔會坐得太迫環境唔錯。😋😋😋👍🏻一坐低左之後就會見到枱面有個火爐，仲有三杯調味醬汁俾你。飲品嘅話呢就梗係揀啲清熱解毒㗎啦，因為食燒物都會刺激到喉嚨，飲返啲清熱氣嘅涼茶會好好多🤔佢哋除咗有得自己燒嘅食物之外，仲有一啲前菜小食，生冷刺身食品，任君選擇，唔會剩係得燒物咁簡單架。😌😌😌亦都有啲蔬菜類嘅燒物俾你選擇。👍🏻另外呢仲會有生蠔俾你任叫任燒，啲刪號都幾新鮮，但係略嫌細隻咗啲🤤🤤至於肉類佢哋亦都好多款選擇，有牛肉啊，豬肉，雞肉呀，雞軟骨啊，雞翼呀，多春魚呀，雞腎啊。非常之多嘅選擇，唔怕驚冇嘢食，食黎食去都係嗰啲。😉😉最後佢哋出邊亦都有個雪櫃仔，裏面放滿晒好多唔同款嘅雪條俾你選擇。