棋哥燒鵝餐室

營業中

休息中

去完中央圖書館，喺天后搵嘢食，港鐵A2出口的電氣道兩邊林立不同食店，每間都是小型餐館，有些更是只做外賣。見棋哥門外有些顧客等外賣，相信食物質素應該不錯。店內環境就如其他茶記擺設差不多，餐牌上全都是燒味，就算常餐都包括叉燒粉面，加十蚊可以轉燒鵝粉麵。同老公兩個人點了燒鵝瀨粉及乳豬五寶飯。燒鵝份量好足夠，味道香濃但不會太鹹，皮脆肉香。乳豬五寶飯包括乳豬、叉燒、油雞、鹹蛋及紅腸，還有榨菜及幾條油菜。乳豬皮香脆可口，可惜有兩件較為肥，叉燒半肥瘦好入味，油雞表現ok呀，鹹蛋要趁仲有飯嘅時候快啲食。另外叫咗碟油菜，唔要飲品加錢要咗碗花生眉豆雞腳湯，只見花生未見雞腳，好彩唔覺有落味精，尚算好飲。