燒味滷師 (安發大廈)

營業中

休息中

呢間燒味店一直都係我嘅首選天氣凍凍地又想食啲辣嘢，記得呢一間除咗燒味之外仲有賣口水雞，疫情之下又唔想煮，想叫外賣，揀佢就最啱啦叉燒依然高質食落有少少燶邊好香口，口感非常之軟熟，而且蜜汁好入味，淨係啲咸香中帶甜，惹味嘅蜜汁已經夠送幾碗飯呢度嘅燒鵝都係非常之有水準皮脆得來啲肉唔會鞋，食落仲有陣陣鵝香鵝嘅油脂豐富得來唔會膩，因為佢嘅鵝皮燒到脆卜卜，再配埋佢哋秘製嘅醬汁，更加係食唔停口你以為呢度得燒味好食？其實呢度嘅冷盤都係勁正，呢個口水雞辣得黎有層次，而且唔會泰太辣，啱晒香港人口味，最緊要係佢份量超足料，一份口水雞已經夠食兩餐，簡直係平靚正，疫情之下簡直係平民首選