味苑 (已結業)

跟屋企人提早做節, 不過酒樓多數都做套餐, 但亞媽又鍾意食中餐, 所以就諗到黎呢D中菜館食, 一黎可以散叫, 二黎比酒樓平, 因為唔洗加一.既然做節, 每人要左盅菜膽雞燉翅, 真係有一排細細既翅, 比酒席食既仲多, 另仲有雞腳, 瘦肉等, 所以飲落好香肉香味, 幾十蚊好過自己燉, 非常抵飲, 因為足料.之後要左燒味雙拼, 可以隨意配邊兩樣, 燒腩仔個皮好夠脆, 脆到卜卜聲, 腩仔位唔係太肥, 肉質夠嫩.半肥瘦义燒, 但肥既部份好香, 食落唔覺得膩, 入口好軟嫩.蜜桃咕噜肉, 呢D大路野係人都啱食, 個汁唔算好酸, 帶甜, 易入口夠開胃. 炸粉唔會太厚, 一咬都已入肉, 肉質都好軼腍, 唔硬.最後仲有紅豆沙送, 好夠沙, 帶陳皮味, 唔會太甜.